مانرخص الغالي ولو كان ماكان
إلا ليامنه تجاهل غلانا
ترجمتلك صدق المشاعربقيفان
لعلها تاصل مشاعر هوانا
تقديرها عندك لقى نوع نقصان
والنقص من يرضاه لا أنتم ولا أنا
الصد يجزى بصد في طبع الإنسان
إلا مع الارحام ربي نهانا
اللي يتناسانا يجازى بنسيان
اللي يتناسانا ولو مانسانا
اللي مقفي جعل مايشوف الاحزان
ليامنه اقفى مانكسربه عزانا
بالدرب لابانت علامات خذلان
لو ودّنا نمشيه عافت اخطانا
يااللي تهجانا من العام للآن
صفحاتنا بيضٍ وكلٍ قرانا
مباديٍ تبقى على مر الازمان
ماتنمحي عند الزمن لو محانا
اللي يبادلنا المشاعر بعرفان
مانبيع من هو بالموده شرانا
ولانطردالمقفي ولوكان ماكان
العزه أغلى يامرخّص غلانا
منقول
03-03-2024, 06:52 PM
مانرخص الغالي ولو كان ماكان
العضو الأكثر نشاطاً هذا اليوم 
العرض العادي
